Bajerni i Munihut ka shkatërruar ekipin e Barcelonës me rezultatin e thellë 4-0 duke hedhur një hap të sigurt drejt finales së Ligës së Kampioneve për herë të dytë radhazi në dy vitet e fundit. Gjermanët janë treguar të pamëshirshëm përballë katalanasve duke u shënuar katër gola dhe i fundosur si radhë herë vitet e fundit në Champions League dhe kampionat. Pas kësaj humbje shpresat që Barcelona të kualifikohet në finale janë pothuajse zero, vetëm një mrekulli do ti shpëtonte në ndeshjen e kthimit.
Ndeshja ka nisur e mirë për Barcelonën që tenton të vendosë në vështirësi vendasit me qarkullimin e topit, por Bajerni mbrohet mirë dhe sulm me shpejtësi nga krahët. Pas disa episodeve në minutën e 25′ është Tomas Muller që pas një rrëmuje në zonë gjuan me kokë duke dërguar topin në rrjetë për Bajernin. Vilanova bën thirrje për qetësi dhe sulm, por ‘bavarezët’ duke se e kishin natën e tyre, pasi arrijnë që të neutralizojnë për mrekulli edhe disa raste të katalanasve, ndërsa Mesi është inekzistent.
Pjesa e parë mbyllet me këtë rezultat, në fraksionin e dytë të ndeshjes është Mario Gomez që shënon golin e dytë në minutën e 49′ me një gjuajtje të fuqishme me këmbë brenda në zonë. Pas dyfishimit të rezultatit, Barca fillon të bjerë gradualisht dhe tërhiqet që të mos pësojë më shumë, por nuk ja del mbanë pasi është holandezi Roben që lan disa hesape të vjetra me spanjollët duke trefishuar rezultatin e ndeshjes.
Stadiumi ‘Allianz Arena’ ngrihet i gjithë në këmbë për të nderuar heronjtë, ndërsa spanjollët duken shumë të vegjël përballë një super Bajerni. Por gjermanët nuk kënaqen me tre gola dhe në minutat e fundit është përsëri heroi Muller që shënon golin e pokerit për Bajernin dhe vulosur shifrat në 4-0. Ndërsa për miqtë ndëshkohen në fund të ndeshjes me të verdhë Iniesta, Alba dhe Sancez. Rezultati 4-0 nuk i jep asnjë mundësi ekipit të Barcelonës që të shpresojë për një kualifikim në ndeshjen e kthimit që do të zhvillohet pas një jave në Spanjë. Mesi ishte në pozicion jashtë loje gjatë gjithë ndeshjes për meritë të gjermanëve dhe paraqitjes së tij ët dobët duke treguar se nuk është më i mirë në fushë gjithmonë, aq më tepër përballë Bajernit.
\Pas ndeshjes Barcelona ka pranuar humbjen e thellë përballë ekipit të Bajernit duke u larguar me kokën poshtë. Gerard Pike pas ndeshjes ka pranuar rezultatin duke e cilësuar të papranueshëm për një ekipi si katalanasit, por në ndeshjen e kthimit duhet që të japin gjithcka për ta kthyer dhe shkuar në finalen e madhe. “Ishtë një fitore e merituar e Bajernit, ata ishin më të shpejtë, më të saktë dhe më të fuqishëm në fushë” thotë Pikë. Hejnkes: Ishte një super ndeshje, futbollistët zbatuan me përpikmëri të gjitha detyrat. Ne treguam se jemi më të mirët për momentin. Por duhet që të presim edhe ndeshjen e kthimit për të menduar për finalen e dytë radhazi brenda dy vitesh” deklaron Hejnkes. I lumtur është shfaqur edhe Gomez, Roben dhe sulmuesi Muller, i cili shënoi një dopietë për ekipin e tij në këtë super ndeshje.
