Home Aktualitet Arrestohet prokurori Haxhi Giu, mori 29 mije euro per te mbyllur çeshtjen

Arrestohet prokurori Haxhi Giu, mori 29 mije euro per te mbyllur çeshtjen

540
0

policiaPolicia e Tiranës ka arrestuar prokurorin Haxhi Giu, i cili ka qenë edhe ish-prokuror i çështjes së Azem Hajdarit. Aktualisht Giu ishte në detyrë në qytetin e Krujës, ku edhe u arrestua.

Arrestimi i tij vjen pas një hetimi dy mujor nga Prokuroria për Krimet e Rënda në bashkëpunim me Task Forcën në Policinë e Shtetit.

Policia raporton se Giu akuzohet për korrupsion aktiv pasi “dyshohet se ka marrë 29 mijë euro për mbylljen e një çështjeje në këmbim të uljes së masës së dënimit”,- thuhet në njoftim.

NJOFTIMI I PLOTË ZYRTAR I POLICISË

Arrestohet një Prokuror për korrupsion aktiv dhe një tjetër shtetas për korrupsion pasiv.

Më datën 02.12.2015, nga specialistët e Seksioni për Korrupsionin pranë Drejtorisë Vendore të Policisë Tiranë në bashkëpunim me Prokurorinë Pranë Gjykatës së Shkallës së Parë për Krimet e Rënda Tiranë, pas një hetimi dy mujor, në kuadër të Operacionit policor “REFORMA” u bë i mundur ekzekutimi i masave të sigurimit personal “arrest në burg” për shtetasit e poshtë shënuar:

1- Haxhi Giu, 55 vjeç, me detyrë Prokuror pranë Prokurorisë së Gjykatës së Rrethit gjyqësor Krujë së ndaj te cilit Gjykata për Krimet e Rënda Tiranë.

Më datë 02.12.2015 ka vendosur masën e sigurimit personal “arrest në burg” pasi dyshohet se ka konsumuar veprën penale “Korrupsion pasiv i gjyqtarëve, prokurorëve dhe funksionarëve të tjerë të organeve të drejtësisë” të parashikuara nga neni 319/ç dhe 319 i Kodit Penal:

2- Aleks Shpori, 29 vjeç ndaj të cilit Gjykata për Krimet e Rënda Tiranë me vendim datë 02.12.2015 ka vendosur masën e sigurimit personal “Arrest në burg” pasi dyshohet se ka konsumuar veprën penale veprën penale “Korrupsion aktiv i gjyqtarëve, prokurorëve dhe funksionarëve të tjerë të organeve të drejtësië ” të parashikuar nga neni 319 të Kodit Penal.

Nga hetimet e kryera në kuadër të proçedimit penal të Prokurorisë për Krimet e Rënda Tiranë ka rezultuar se shtetasi Aleks Shpori ka pasur vëllain e tij Gj. Sh nën hetim me masën e sigurimit personal “arrest në burg” pasi ai në bashkëpunim me shtetasit I.R, A. B, B. Xh.P, A. B janë arrestuar në flagrancë më datën 29.08.2014 për kryerjen e veprës penale “Prodhim dhe shitje e lëndëve narkotike”, nga ana e shërbimeve të policisë gjyqësore të komisariatit të Policisë Krujë.

Gjatë fazës së gjykimit shtetasi Aleks Shpori është takuar disa herë me prokurorin e kësaj çështjeje shtetasin Haxhi Giu të cilit i ka ofruar shumën 29.000 euro në këmbim të ndryshimit të masës së sigurimit personal “arrest në burg” për vëllai e tij Gj. Sh.

Nisur nga fakti që nuk është bërë e mundur ndryshimi i masës së sigurimit personal “arrest në burg” për shtetasin Gj. Sh, nga ana e prokurorit të cështjes Haxhi Giu është kthyer mbrapsh shuma prej 29.000 euro tek vëllai i tij Aleks Shpori.

Nga ana jonë janë sekuestruar në cilësinë e provës materiale shuma 29.000 euro, DVD me pamje filmike të marra nga ambjente të ndryshme (lokale, exchange) ku janë zhvilluar takimet dhe shkëmbimi i parave ndërmjet shtetasve Haxhi Giu dhe Aleks Shpori.

Materialet ju kaluan Prokurorisë Pranë Gjykatës së Shkallës së Parë për Krimet e Rënda Tiranë për veprat penale “Korrupsion pasiv i gjyqtarëve, prokurorëve dhe funksionarëve të tjerë të organeve të drejtësisë”, “Korrupsion aktiv i gjyqtarëve, prokurorëve dhe funksionarëve të tjerë të organeve të drejtësië ” të parashikuara nga nenet 319/ç dhe 319 të Kodit Penal në ngarkim të shtetasve Haxhi Giu dhe Aleks Shpori.

LEAVE A REPLY

Please enter your comment!
Please enter your name here