Home Aktualitet Veliaj: “Pazari i Ri”edhe ne tregjet te “Petro Nini” e “Porcelani”

Veliaj: “Pazari i Ri”edhe ne tregjet te “Petro Nini” e “Porcelani”

960
0

209426TIRANË – Pazari i Ri në Tiranë, i cili është ende në fazë ndërtimi, nuk do të jetë tregu i vetëm me standarde. Kryebashkiaku Erion Veliaj tha se ky model do të ndiqet edhe në hapësira të tjera të kryeqytetit. I tillë do të jetë tregu në rrugën “Petro Nini Luarasi” dhe në zonë e Porcelanit.

Me modelin që po ndërtojmë në Pazarin e Ri, do të kemi mundësi të vijojmë edhe në hapësira të tjera. Do të kemi një treg në rrugën ‘Petro Nini Luarasi’, që lidhet në kryqëzim me rrugën “Vath Koreshi”, e cila ka qenë një ngërç i jashtëzakonshëm; po ashtu edhe në rrugën e Porcelanit, ku kemi një treg të improvizuar e që kërkon patjetër ndërhyrje për sistemim. I gjithë ky frymëzim vjen nga standardi që po vendosim këtu në Pazarin e Ri”, theksoi Veliaj.

Këtë deklaratë kryetari i Bashkisë së Tiranës e bëri ndërsa inspektoi punimet për realizimin e projektit të Pazarit të Ri në sheshin “Avni Rustemi”.

Deri më tani ka përfunduar rrjeti i kanalizimeve dhe shumë shpejt do të nisë edhe ndërtimi i markatës së fruta-perimeve.

“Jemi shumë të kënaqur  nga mënyra se si është operuar me kanalizimet, duke kryer të gjitha rrjetet e nevojshme. Këtë muaj, do të fillojmë edhe ndërtimin e markatës së fruta-perimeve.  Më pas, bashkia do të ndërtojë markatën e mishit dhe të peshkut. Ideja është që të kemi sa më shumë hapësira të tilla pedonale, sa më shumë hapësira për komunitetin e sa më shumë hapësira me tregje që i shërbejnë qytetarëve në mënyrë higjenike”, u shpreh Veliaj.

Ai e konsideroi si të suksesshëm eksperimentimin me tregjet e lëvizshme gjatë periudhës së festave të fundvitit, të cilat synonin promovimin e produkteve bio lokale.

“Tregu i gjelave në Baldushk ishte një sukses, po ashtu edhe markimi i disa produkteve lokale si vaji i Ndroqit apo domatja e Shëngjergjit. Hapësira të tilla si tregu i Pazarit të Ri, janë një mundësi fantastike që të vazhdojmë dhe të promovojmë produktet e prodhuara në Tiranë ‘Made in Tirana’”, u shpreh Veliaj. Sipas tij, kjo është mënyra e vetme se si paratë qëndrojnë në ekonominë e qytetit.

Kryebashkiaku Veliaj falenderoi gjithë qytetarët që kanë treguar bashkëpunim për realizimin e projektit të Pazarit të Ri dhe se falë këtij projekti shumë investitorë po i afrohen kësaj zone. Inaugurimi i fillimit të punimeve për Pazarin e Ri u bë më 7 tetor 2015, punime të cilat pritet të mbarojnë brenda afatit të parashikuar. 209424209425

LEAVE A REPLY

Please enter your comment!
Please enter your name here