Home Politike Topi takon presidentin e këshillit rajonal të Piemontes Kataneo

Topi takon presidentin e këshillit rajonal të Piemontes Kataneo

109
0

Presidenti i Republikës Bamir Topi, në kuadër të vizitës zyrtare në Itali me ftesë të Kryetarit të Bashkisë së të Torinos, Piero Fasino, u prit sot nga Presidenti i Këshillit Rajonal të Piemontes, Valerio Kataneo.

Gjatë takimit, presidenti Topi dhe zoti Kataneo vlerësuan marrëdhëniet tradicionale të shkëlqyera e shumëplanëshe që ekzistojnë mes dy vendeve tona si dhe bashkëpunimin e vlefshëm politik, ekonomik, shëndetësor, kulturor, akademik, etj, duke vënë në dukje gjithashtu edhe nevojën për një intensifikim të mëtejshëm të këtij bashkëpunimi. Presidenti Topi shprehu mirënjohjen për ndihmesën e vazhdueshme dhe të çmuar të Italisë për Shqipërinë gjatë periudhës së tranzicionit për konsolidimin e demokracisë dhe institucioneve të saj, si edhe për mbështetjen ndaj aspiratës së popullit shqiptar për integrim në familjen e madhe evropiane.
“Shqipëria shikon tek Italia një partner strategjik, një vend dhe një popull mik me të cilin ne kemi shprehur qartë dhe kemi dëshmuar prioritetet e bashkëpunimit të gjithanshëm në funksion të interesave të vende dhe popujve tanë”, – vuri në dukje Presidenti Topi.

Kryetari i shtetit u shprehu mirënjohjen autoriteteve italiane dhe përfaqësuesve vendorë në emër të të gjithë shqiptarëve që jetojnë dhe punojnë në vendin fqinj, të cilët po kontribuojnë jo vetëm për forcimin e marrëdhënieve, por edhe për vetë të ardhmen e Italisë. Në këtë drejtim, presidenti Topi vuri në pah mundësitë e mëdha që ofron Shqipëria për investitorët e huaj, duke theksuar rëndësinë e rritjes së shkëmbimeve ekonomiko-tregtare si shtimin e numrit të investitorëve piemontezë në vendin tonë.

Pasi i uroi Presidentit Topi mirëseardhjen në Itali, presidenti i Këshillit Rajonal të Piemontes, zoti Kataneo shprehu kënaqësinë e këtij takimi dhe vuri në dukje faktin se vizita e Kryetarit të Shtetit Shqiptar në Itali është një tregues pozitiv i marrëdhënieve tradicionalisht shumë të mira e të afërta që ekzistojnë mes dy vendeve e popujve tanë. Zoti Kataneo dhe anëtarë të Këshillit Rajonal vlerësuan praninë e rëndësishme të bashkësisë së mirëintegruar shqiptare dhe rolin e saj me peshë në Rajonin e Piemontes.

Previous articleAK: Shqiptarët të injorojnë flamurët politikë
Next articleBashkia Vlorë, aktivitetete të shumta për 99 -vjetorin e Pavarsisë

LEAVE A REPLY

Please enter your comment!
Please enter your name here