TIRANË- Bashkia e Tiranës njofton se ka nisur puna për lirimin e hapësirave publike. Kryebashkiaku i kryeqytetit, Erion Veliaj tha se në vend të kioskave që kanë zaptuar vendet publike do të ndërtohen parqe gjelbërimi.
Në një postim në rrjetin social “Facebook” Veliaj tha se puna për ndërtimin do të nisë në sheshet mes pallateve tek njësia numër 11.
“Filluam ndërhyrjet për lirimin e shesheve midis pallateve tek –Nj.11. Çdo shesh që lirohet është 1 hapësirë e ardhshme për gjelbërim, argëtim e sport”, shkruan Veliaj.
Siç shihet edhe në fotot kioskat dhe disa godina të vjetra janë të braktisura pa pronarë të cilat rezultojnë pa leje ndërtimi.
