Home Aktualitet Shqiperia pjese e Byrose per protokollin e Nagojes

Shqiperia pjese e Byrose per protokollin e Nagojes

130
0

shqiperiaShqipëria bëhet anëtare e Byrosë për Protokollin e Nagojës si përfaqësuese e rajonit të Evropës Juglindore së bashku më Bjellorusinë. Ministri i Mjedisit Lefter Koka ka marrë pjesë në Konferencën e 12-të të Shteteve Palë të Konventës së Biodiversitetit për Zhvillimin e Qëndrueshëm të Biodiversitetit dhe Takimin e Parë të Shteteve Palë të Protokollit të Nagojës.

Protokolli i Nagojës ka si synim përfitimin e barabartë që rrjedh nga përdorimi i burimeve gjenetike, i cili po zhvillohet në Republikën e Koresë.

Në kuadër të iniciativës LifeWeb të Konventës së Biodiversitetit, Ministria e Mjedisit ka paraqitur një projekt prej 735,000 Euro për menaxhimin e integruar të Parkut Kombëtar Lurë, projekt i cili është pranuar.

Protokolli i Nagojës është Protokolli më i ri i Konventës, i cili hyri në fuqi më 12 Tetor 2014 pas arritjes së numrit të nevojshëm prej 50 shtetesh.

Gjatë Konferencës së 12-të Konventës së Biodiversitetit për Zhvillimin e Qëndrueshëm të Biodiversitetit, Ministri Koka zhvilloi një takim bilateral me Ministrin e Mjedisit të Austrisë, Andrä Rupprechte.

Previous articleKanceri i gjirit, sot konsulta falas te liqeni artificial
Next articleStatistike, MB raporton ulje te krimit ekonomik e korrupsionit

LEAVE A REPLY

Please enter your comment!
Please enter your name here