Ambasadori i SHBA-së në Tiranë, Aleksandër Arvizu i ka dorëzuar drejtorit të Policës së Shteti, Hysni Burgaj një raport për ngjarjen e 21 janarit në të cilin thuhet se policia zbatoi një plan të detajuar, ndërkohë që u shpreh se gjatë demonstratës forcat e policisë ishin të pambrojtura. Arvizu kërkoi edhe një hetim të plotë për ngjarjen, ku sipas tij, s’duhet ndërhyrë nga jashtë.
Raporti është hartuar nga zyra e sigurisë në ambasadën e SHBA-së në Shqipëri. Arvizu ka kërkuar që të bëhet e mundur zbardhja e plotë e kësaj ngjarje në mënyrë që të ndëshkohen shkelësit.
Drejtori i Policisë së Shteti, Hysni Burgaj theksoi se bashkëpunimi me zyrën e sigurisë pranë ambasadës së SHBA në Tiranë ka qenë i frytshëm dhe se ai do të intensifikohet në të ardhmen. “Bashkëpunimi dhe ndihma juaj do të na shërbejë në punën tonë për ndërtimin e shteti ligjor”,- u shpreh drejtori i policës së shtetit. Burgaj pas marrjes së këtij raporti u shpreh se “do ta shikojmë dhe do ta analizojmë dhe shumë përgjegjësi”.
Ambasadori i SHBA në Tiranë, Arvizu gjatë fjalës së tij në këtë ceremoni:
U falënderoj që preket të gjitha këto fusha bashkëpunimi që kemi pasur në të kaluarën. Doja të shpjegoja se qëllimi i vizitës së sotme është për një raport. Është raport që shqyrton rrethanat për demonstratën e 21 janarit.
Merret në mënyrë specifike me zhvillimin e demonstratës dhe sjelljen e policisë gjatë demonstratës. Gjatë shqyrtimit të këtij raport duket se polica ka një plan të detajuar. Ata e zbatuan në mënyrën më të mirë atë. Gjatë dhunës ekstreme të 21 janarit , drejtori i policisë Burgaj inicoi masa të jashtëzakonshme në mënyrë që policia të administronte situatën. Forcat e policisë gjatë demonstratës ishin të pambrojtur dhe disiplina e treguar ishte inkurajuese.
Ata qëndruan përballë kësaj dhunë dhe nuk u larguan apo u hakmorën. Policia e shtetit vazhdon të mësojë për të organizuar sa më mirë që të jetë e mundur këto demonstrata në mënyrë që të ruhet rendi dhe të drejtat e njeriut. Duhet të jetë e garantuar e drejta e reagimit. Nga ana tjetër protestuesit kanë detyrimin që të veprojnë në mënyrë të përgjegjshme. Ata që organizuan dhe morën pjesë në aktet e dhunës, duhet të ballafaqohen me drejtësinë.
Do të doja të përmend hetimin që është duke u kryer nga prokuroria e Përgjithshme. Shumë herë e kemi theksuar se hetimi duhet të jetë i plotë i gjithanshëm dhe i paanshëm. Hetimi duhet të përfshijë të gjitha fazat e 21 janarit, organizatorët, protestuesit dhe ata që janë përgjegjës për faktin që u qëllua dhe që në fund rezultoi tragjike. Është shumë e rëndësishme për këtë investigim të vazhdojë dhe të çohet para pa ndërhyrje të jashtme në mënyrë që t’u përgjigjet pyetjeve që kanë shqiptarët për 21 janarin.
