Home Ekonomi Rritja e pensioneve, replika Braçe-Bode në sallën e Kuvendit

Rritja e pensioneve, replika Braçe-Bode në sallën e Kuvendit

145
0
TIRANË- Deputeti i PS-së, Erjon Braçe e ka quajtur të pavlerë rritjen e pensioneve, përballë faturave që duhet të paguajnë pensionistët për ujin, energjinë elektrike dhe gazin. Sipas tij, kreu i qeverisë “në vend që të bëjë shkurtime drastike të shpenzimeve për të përballuar situatën ekonomike, bën mirë të mos rrisë rrogën e tij dhe të pranojë krizën ekonomike në vend”.
“Qeveria nuk ka para për shkak të krizës dhe për shkak të atyre që u morën për nevoja elektorale”- ka thënë Braçe, duke krahasuar një për një rritjen që do u bëhet pensioneve të fshatit, qytetit dhe suplementare, duke i vënë përballë faturat dhe pamundësinë për përballimin e jetesës.
“Një pjesë e popullit emigrant në Greqi, nën panikun e krizës greke paratë e kursimeve i depozituan këtu, por qeveria ka rritur huamarrjen e brendshme.
Qeveria nuk po mbledh dot para, 12.4 miliardë lekë të reja më pak nga plani për shkak të akcizës”- tha ai.

Pas tij, ka reaguar ministri i Financave, Ritvan Bode, duke premtuar se pas rritjes së pensioneve do të rriten edhe pagat. “Rritja është shprehje e shëndoshë e financave në vend. Ne do të rrisim pagat minimale me 5.6% krahasuar me ato ekzistuese, kurse maksimalet vetëm me 2%. Shërbimi civil do të përfitojë rritje 2-7%”- tha Bode, duke shtuar se vetëm për qershorin Doganat kanë tejkaluar realizimin e të ardhurave, me 2.3 miliardë lekë të mbledhura më shumë se qershori i vitit të shkuar.

LEAVE A REPLY

Please enter your comment!
Please enter your name here