Home Aktualitet Moti i keq pengon ankorimin e tragetit, 2 dite ne det te...

Moti i keq pengon ankorimin e tragetit, 2 dite ne det te hapur

297
0

dallge-durresKushtet e këqija atmosferike që përfshinë gjirin e Durrësit ditën e shtunë kanë bërë që 131 pasagjerët që udhëtojnë me tragetin e linjës Bari-Durrës “Rhapsody” të qëndrojnë në det për më shumë se 48 orë deri sot në mëngjes, ku sipas korrespondentit të “Panorama”, mësohet se trageti është ankoruar sot në mëngjes portin e Durrësit.

Trageti “Rhapsody” mbërriti përpara dy trageteve të tjerë në portin e Durrësit  të shtunën në orarin e përcaktuar (08.00), por nuk ka mundur të ankorohej dot në kalatet e tij.

Shkak mësohet të jenë bërë përmasat e mëdha të tragetit, i cili nuk i përshtatet infrastrukturës së Portit detar të Durrësit.

Erërat e forta dhe dallgët nuk e lejuan “gjigantin” të ankorohej në port, duke u hapur udhën dy trageteve të tjerë, të cilët u ankoruan pa problem.

Ai ka tentuar të ankorohet disa herë, por rrezikoi të përplasej me mjetet e tjera lundruese që ndodheshin në kalatë.

Duke u nisur nga një situatë e tillë, Kapiteneria urdhëroi kapitenin e tragetit të dilte sërish në radë dhe prej andej në gjirin e Kepit të Rodonit deri në përmirësim të kushteve atmosferike. Sot, kur era nisi të qetësohej, u dha urdhër që trageti të afrohej për të tentuar të ankorohej.

Kështu, 131 pasagjerë të lodhur nga një udhëtim i gjatë i nisur që prej mbrëmjes së ditës së premte nga porti i Barit, iu desh të qëndronin dy ditë në det të hapur

Previous articleKosova dhe Shqiperia ne listen e shteteve qe rekrutojne me shume xhihadiste
Next articleJa pse francezet nuk e quajne ISIS por Daesh

LEAVE A REPLY

Please enter your comment!
Please enter your name here