Ministër i Punëve Publike dhe Transporteve, Sokol Olldashi, inauguroi sot sistemin e ri bashkëkohor për kontrollin e hapësirës ajrore.
Ky projekt u realizua nga kompania Lockheed Martin dhe ishte pjesë e programit 76, 5 milion dollarësh për modernizimin e hapësirës ajrore shqiptare.
Olldashi e cilësoi modernizimin e hapësirës ajrore shqiptare, si “thelbësore”, në kuadër të detyrimeve që i rrjedhin vendit tonë, për ta bërë hapësirën ajrore Shqiptare, pjesë integrale të hapësirës ajrore Europiane.
Olldashi, në fjalën e tij gjatë ceremonisë të zhvilluar në Aeroportin “Nënë Tereza”, tha se përfundimi i këtij projekti, i jep mundësi vendit tonë të ketë një hapësirë ajrore europiane.
“Fluturimi mbi hapësirën ajrore shqiptarë tashmë është tërësisht i kontrolluar, çka do të sjellë shumë efekte pozitive për vendin tonë, ku më kryesori është ulja e kostove operacionale për kompanitë e udhëtimeve ajrore”, tha ministri Olldashi.
Olldashi tha se, “në sajë të këtij programi dhe të vëmendjes së lartë, që ministria e transportit ka pasur ndaj këtij sektori, edhe pse në kohë krize, kemi pasur rritje pozitive”
