Mbretëresha e Britanisë së Madhe, Elisabeth, i ka dorëzuar aktores Angelina Jolie titullin “Damë Nderi”, në kuadër të iniciativave të saj në mbrojtjen nga përdhunimet gjatë luftës si dhe për shërbimet e bëra nga ajo për politikën e jashtme britanike.
Lajmi është bërë i ditur sot në “Telegraph.co.uk”, ku shpjegohet se ngjarja e rëndësishme ishte paralajmëruar që në nisje të muajit qershor.
Ceremonia është zhvilluar në mënyrë private, gjatë një takimi mes personazheve të njohura në pallatin mbretëror. Nderimi i bërë ndaj aktores i kushtohet më së shumti luftës së saj kundër dhunës së grave, dhunës seksuale gjatë konflikteve dhe kontributit që Jolie ka dhënë në këto çështje.
