Presidenti i FIFA-s, Sepp Blatter, ka dhënë mendimin e tij përmes një postimi në rrjetin social Twitter, në lidhje me ngjarjet në stadiumin e “Partizanit” të Beogradit, Serbi.
Njeriu i parë i organizatës më të madhe botërore të futbollit ka dënuar ashpër ngjarjet e mbrëmshme, për shkak të së cilës u ndërpre ndeshja mes Serbisë dhe Shqipërisë, transmeton Telegrafi.
“Futbolli nuk duhet të shfrytëzohet për mesazhe politike. Unë e dënoj fuqishëm çdo gjë që ka ndodhur në natën e fundit në Beograd”, shkroi njeriu i parë i FIFA-s në profilin e tij në Twitter.
Ndeshja kualifikuese për Kampionatin Evropian në mes Serbisë dhe Shqipërisë është ndërprerë, pas sulmit të tifozëve serbë ndaj futbollistëve shqiptarë.
Football should never be used for political messages. I strongly condemn what happened in Belgrade last night
— Joseph S Blatter (@SeppBlatter) October 15, 2014
