Shpërthim në oborrin e komisariatit të policisë së Fushë Krujës. Ngjarja mësohet se ka ndodhur rreth orës 19:00 ndërsa dyshohet se, pranë rrethimit të këtij institucioni është hedhur një sasi e vogël lënde shpërthyese, e llojit tritol.
Burime nga policia kanë bërë të ditur se, nga shpërthimi ka vetëm dëme materiale dhe se ka ndodhur në brenda rrethimit të komisariatit. Burime nga policia thanë se, fillimisht nuk është kuptuar se ç’ka ndodhur për shkak edhe të motit me vetëtima.
Menjëherë policia ka nisur hetimet për zbardhjen e ngjarjes. Nga shpërthimi me eksploziv është dëmtuar vetëm një automjet. Disa persona janë shoqëruar në lidhje me këtë ngjarje.
