Ruajtje me roje 24 orëshe për drejtoreshën e Njësisë së Mbikëqyrjes së Lojërave të Fatit.
Vendimi është marrë gjatë mbledhjes së sotme të qeverisë. Duket se aksioni i qeverisë për mbylljen e lojërave të fatit ka sjellë edhe domosdoshmërinë për ruajtjen e drejtueses së njësisë mbikqyrëse.
Në vendim e qeverisë thuhet: “Për marrjen e masave për sigurimin fizik dhe garantimin e ushtrimit të funksioneve të drejtorit të Njësisë së Mbikëqyrjes së Lojërave të Fatit”, e cila është Luneda Sufali.
Sufali është Drejtore e Njësisë së Mbikëqyrjes së Lojërave të Fatit, duke zëvendësuar në këtë post Besnik Çobajn.
