Home Lifestyle ALS Ice Bucket Challenge, Emina Cunmulaj nominon Sali Berishen

ALS Ice Bucket Challenge, Emina Cunmulaj nominon Sali Berishen

130
0

emina-cunmulajVijon hedhja mbi kokë e kovave me ujë me akull. VIP-a nga jashtë dhe brenda vendit po kryejnë këtë veprim të shoqëruar me video që bëhen publike në rrjete sociale. Së fundmi janë lagur me ujë, Bleona Qereti, Ermal Mamaqi, Afërdita Dreshaj duke iu bashkuar kështu nismës bamirëse ALS Ice Bucket Challenge.

Mamaqi ishte nominuar nga Elvana Gjata, derisa ka nominuar të lagen edhe DJ Florin, Pirro Çakon dhe Adelina Ismailin.

Nga emrat tjerë të famshëm shqiptarë nismën e ka kryer edhe modelja me famë botërore, Emina Çunmulaj, e cila ka vendosur të nominojë dy Berisha, fotografin e njohur Fadil Berisha, dhe ish-kryeministrin shqiptar, Sali Berisha.
Do e bëjë Sali Berisha thua këtë gjest???

Nisma
Është e pamundur të hapni YouTube pa parë të famshmit e fundit duke u lagur me akull, të cilët i janë bashkuar nismës botërore në një përpjekje për të rritur në miliona dollarë fondet për të luftuar sëmundjen ALS. Në gjithë botën njerëzit flasin nëpërmjet rrjetit Facebook, duke futur foto të vetes të lagur me ujë e akull për të sjellë ndërgjegjësimin për ALS.

Shoqata ALS njoftoi se ajo ka marrë 13 300 000 dollarë donacione nga mbi 250 000 njerëz në krahasim me 1 700 000 dollarë gjatë së njëjtës periudhë trejavore të vitit të kaluar (29 korrik-17 gusht).

Në një letër zyrtare të kësaj jave, Shoqata ALS tha: “Kurrë më parë s’ka qenë në një pozitë më të mirë për të nxitur luftën tonë kundër kësaj sëmundjeje. Rritja e vetëdijes dhe mbështetja financiare e paparë do të na mundësojë që të mendojnë për gjetjen e kurës.

Po çfarë është ALS?
Skleroza amiotrofike laterale ndikon në tru dhe në palcën kurrizore. Neuronet motorike degjenerojnë dhe vdesin, gjë që e bën gjithnjë e më të vështirë për të lëvizur muskujt. Kur muskujt nuk përdoren sa duhet, ata ndalojnë së funksionuari. Ata që vuajnë nga kjo sëmundje fillojnë të ndihen të dobët, sidomos tek krahët, këmbët, gjatë të folurit, gëlltitjes dhe frymëmarrjes. Pasi indet e muskujve atrofizohen, gjymtyrët fillojnë të humbasin funksionin. Në fazat e mëvonshme të sëmundjes, pacientët mund të bëhen krejtësisht të paralizuar. Nuk ka asnjë shkak të njohur të ALS, edhe pse nuk është një faktor trashëgimie i provuar në disa raste. Në rreth 90 për qind të rasteve, askush nuk e di se si dhe pse e godet kjo sëmundje. Nuk ka ende një shërim të njohur, edhe pse miliona dollarë tashmë të mbledhur nga shoqata ALS do të shkojnë për hulumtimin e këtyre të panjohurave të mëdha. Sëmundja është e njohur edhe si Sëmundja e Lou Gehrig-së, e quajtur kështu pasi lojtari i madh i bejsbollit në fillim të shekullit të 20-të u godit nga kjo sëmundje në vitin 1939.

Previous articleKavaje, aksident me motorr, humb jeten nje person
Next articleBerat, bie ne humnere fuoristrada, 3 te plagosur rende

LEAVE A REPLY

Please enter your comment!
Please enter your name here