Home Aktualitet Trafikonin bomba me celulare, arrestohen 3 ushtarake

Trafikonin bomba me celulare, arrestohen 3 ushtarake

124
0

minat-celularNjë operacion i policisë së Durrësit ka arrestuar 3 ushtare profesionistë, pjesë e një trafiku të gjerë ndërkombëtar të bombave me telekomandim. Në cilësinë e provës materiale janë kapur mekanizma celularë bombe që tre ushtarakët do i shisnin në treg. 

Operacioni policor kishte nisur prej 3 muajsh pasi ishte marrë informacion se një grup shqiptarësh bashkëpunonin me persona në Malin e Zi dhe Greqi. Policia njofton se gjithcka është mundësuar falë operacionit të koduar “PROFESIONISTI” të zhvilluar gjatë orëve të natës, gjatë të cilit u mundësua vënia në pranga e 3 personave me profesion ushtarakë që po tentonin të shisnin kundrejt një grupi criminal, 7 bomba me telekomandim që lidheshin me eksplozivë C4. 

Në pranga janë vënë tre ushtarë profesionistë të repartit të Këmbësorisë 1010 Vau i Dejës, Shkodër, Kleo Gjinkola 22 vjec, banues në Shëngjin, ushtar profesionist me pagesë pranë repartit ushtarak të këmbësorisë 1010 Vau i Dejës, Shkodër; Alban Dedaj, 22 vjec, banues në Lezhë, ushtar profesionist në të njejtin repart dhe Fran Kola, 25 vjec banues në Lezhe, po i këtij reparti. Burime nga policia pohojnë se të tre personat konsiderohen si specialistë të krijimit të këtyre bombave. 

“Sekuestrohen 7 mina të telekomanduara me anë të telefonave celular, përbërës të të cilave janë si me poshtë; 7 eksplozive të llojit C4; 7 telefona celular te lidhura me eksplozivat me material sinjal përcjellës dhe 7 mekanizma shpërthyes detonator”- njofton policia. 

Këto bomba montoheshin në qytetin e Lezhës dhe i tregtonin në Greqi e Malin e Zi. Të dhënat e siguruara bëjnë me dije se pajisjet bliheshin në Malin e Zi dhe më pas shiteshin në Greqi e Shqipëri. 

Secili prej këtyre tre shtetasve kishte rol kyc në këtë trafik, që nga sigurimi i lëndes plasëse C4 e deri tek montimi i tyre me aparatet telefonike celular, dhe më tej tregëtimin e tyre si brenda vendit, por edhe drejt shtetit Grek. 

Bombat shiteshin kryesisht me vlerë 2 mijë euro secila dhe përdoreshin për ngjarje të rënda kriminale, kryesisht shpërthim makinash. 

Të tre shtetasit e mësipërm kanë konsumuar veprën penale te “ trafikimit të lëndëve plasëse djegëse helmuese dhe radioaktive”, e cila është kryer në bashkëpunim dhe maksimumi i dënimit shkon deri në 20 vjet. 

Policia po heton pasi mësohet se pajisje te tilla janë përdorur edhe në disa prej ngjarjeve të fundit që janë regjistruar në vend ku viktimat janë kryesisht biznesmenë. 

Previous articleVrasja e Santos, gjykata le te lire kusherinjte Gjozi
Next articleErdogan kercenon serbet e Bosnjes

LEAVE A REPLY

Please enter your comment!
Please enter your name here