Home Ekonomi “Bankers Petroleum” pezullon arbitrazhin ndaj shtetit shqiptar

“Bankers Petroleum” pezullon arbitrazhin ndaj shtetit shqiptar

627
0

bankers-620x372Ministria e Energjisë dhe Industrisë bën me dije përmes një njoftimi për media se “Bankers Petroleum” është dakordësuar që të pezullojë procesin e arbitrazhit në të cilin kishte paditur shtetin shqiptar.

Ministria e Energjisë dhe Industrisë dhe Agjencia Kombëtare e Burimeve Natyrore pas negociatave të zhvilluara me “Bankers Petroleum”, kanë arritur marrëveshjen për caktimin e një eksperti për zgjidhjen e mosmarrëveshjeve në lidhje me raportin e auditit për vitin 2011.

Eksperti i përzgjedhur është “Pricewaterhouse Coopers”, kompani e njohur ndërkombëtarisht, e cila do të asistohet edhe nga ekspertët e kompanisë “Navigant Consulting”, e specializuar për analizën e shpenzimeve hidrokarbure.

Raporti përfundimtar i ekspertëve mbi mosmarrëveshjen mes shtetit shqiptar dhe “Bankers Petroleum” parashikohet të jetë gati brenda 4 muajsh.

Ministria e Energjisë dhe Industrisë bashkë me “Bankers Petroleum” kanë rënë dakord gjithashtu për nisjen e një procesi negociatash për amendimin e marrëveshjes hidrokarbure, me synim përmirësimin e termave financiare të marrëveshjes, duke korrigjuar problematikat e hasura deri më tani dhe përmirësuar procedurat për një kontroll më efikas të strukturave të shtetit.

LEAVE A REPLY

Please enter your comment!
Please enter your name here