Një person i panjohur rreth orës 08.00 të mëngjesit të datës 10 nëntor ka thyer heshtjen e pritjes së një lajmi për Shkëlzen Dumanin, 37-vjeçarin me origjinë nga Dibra lindur në fshatin Bellovë. “Shkëlzeni nuk jeton më” mësohet t’i ketë thënë nje prej vellezerve të tij një zë i panjohur nga Siria, por pa përmendur emrin pasi për detajet e ngjarjes familjarët e tij duhet të bisedonin me nënën e tyre Mentien, e cila tashmë ndodhet në një kamp në Siri sëbashku me mbesën e saj 13 vjeçe Eva dhe nipin e saj Endrin 7-vjeçar.
Në orën 4 pasdite nëna e Shkëlzenit ka njoftuar për vrasjen e të birit djemtë e saj në Tiranë, por pa arritur të shikojë trupin e pajetë të djalit të saj duke shpresuar që lajmi të jetë i pavërtetë. Këto detaje i rrëfen për A1Report xhaxhai i 37-vjeçarit të vrarë në Siri, Rruzhdiu, i cili ndër të tjera shton se Shkëlzeni njihej si një njeri i qetë dhe punëtor dhe kanë qenë arsyet ekonomike ato që e çuan drejt Sirisë, ndërsa amaneti i tij i fundit ka qenë që fëmijët të mos kthehen më në Shqipëri.
Ai ndërkohë ka një apel për instancat shtetërore që ta ndihmojnë për të kthyer në atdhe dy fëmijet e të vëllait.
Shkëlzen Dumani, i vrarë në Siri, kishte arritur të bindte të shoqen që ai te merrte të dy fëmijët në një festë të organizuar nga një shoqatë fetare në Shkodër, e ajo të kalonte disa ditë pranë një të aferme të saj në Kamëz. Por 37-vjeçari është gjendur në areportin “Nënë Tereza” të Rinasit për të vazhduar fluturimin e tij drejt vdekjes e pas ndalesës së fundit të tij në Turqi nuk është dëgjuar të flitet më për të.
Ndërkohë, nëna e dy fëmijëve të mbetur në Siri me gjyshen e tyre po kalon çastet më të vështira të jetës së saj në pritje të kthimit të fëmijëve të saj në Shqipëri.
