Mbi 100 turistë shqiptarë janë bllokuar në aeroportin e Antalias rreth orëve të vona të së hënës. Shkak dyshohet të jetë mosdorëzimi në kohë i listave në aeroport nga agjencitë shqiptare të udhëtimit.
Lajmin e kanë konfirmuar vetë turistët shqiptarë të cilët prej ditësh kanë shijuar pushimet në vende të ndryshme të turqisë.
Nuk dihet ende se kur do të fillojnë procedurat apo se si do të veprohet nga ana e punonjësve të aeroportit për lejën e kthimit të udhëtarëve.
