Tre ikonat e muzikës rock janë duke mbajtur recitalin e parë, atë të ëndrrave, në “Pallatin e Kongreseve”. Elton Deda, Redon Makashi dhe Aleksandër Gjoka kanë mbushur 2 mijë vendet e sallës. Kolegë të artistëve janë të pranishëm dhe shumë adhurues të tjerë, mes tyre Aurela Gaçe, Rovena Dilo, Olta Boka, Kejsi Tola, vëllezërit korçarë. Surpriza më e madhe për Sandrin ishte ardhja e së bijës. Ajo jeton në Itali dhe erdhi bashkë me të ëmën për të ndjekur koncertin e musketjerëve. I ati nuk mund të mos e përshëndeste që në fillim. Atmosferë e jashtëzakonshme vjen si asnjëherë më parë nga Pallati i Kongreseve.
