Fotot toples për një kalendar, që bënë xhiro nëpër rrjetet sociale dhe një ministër që kërkon hetim për këtë, është gjithçka që i ka ndodhur në orët e fundit Jackie Chamoun, 22-vjecares libaneze që merr pjesë në Lojrat Olimpike Sochi 2014.
Në Youtube është përhapur një video që tregon skiatoren gjatë një seti fotografik. Ajo shfaqet toples ndërsa shprehet se, “Për mua është më e lehte të bëj ski, se sa këto foto, pasi nuk jam mësuar të pozoj pa rroba”.
Pikërisht fotot janë përhapur në Facebook e Twitter duke ngjallur reagimin e opinionit publik. Disa janë skandalizuar, të tjerë e kanë përkrahur.
“Po – ka pranuar ajo në faqen e saj të Facebook- i kam bërë ato fotografi 3 vjet më parë për një kalendar austriak, bashkë me tre atlete të tjera. Por fotot nuk ishin ashtu si duken në video, e cila u xhirua gjatë përgatitjeve për setin e fotove dhe që nuk duhet të ishte bërë publike. Megjithatë dua t’ju kërkoj falje. E di që Libani është një vend konservator dhe këto foto nuk reflektojnë kulturën tonë. I kuptoj kritikat tuaja”, ka thënë 22-vjecarja.
[portfolio_slideshow id=13478]
