Presidenti Bujar Nishani thotë se pa diskutim që do të ketë një bashkimi kombëtar mes Kosovës dhe Shqipërisë. Në një intervistë për mediat kosovare kreu i shtetit ka thënë se nuk mund të ketë komb kosovar në Kosovë.
“Pa diskutim që bashkimi kombëtar do të ndodh, nuk ka asnjë arsye, por ajo do të vije në mënyrë të natyrshme, dhe të jesh e sigurt që do vijë në mënyrën më evropiane të mundshme, ashtu siç kemi parë sot në Evropë projekte dhe realitete krejt demokratike dhe krejt normale”, ka thënë presidenti Bujar Nishani.
Sipas tij për Shqipërinë dhe shqiptarët ka qenë dhe mbetet SHBA-ja, partneri kryesor strategjik.
