Në orën 23:00 me orën tonë lokale, kanë përfunduar homazhet përkujtimore në nder të viktimave të 11 shtatorit, pikërisht në vendin që dikur ishte zemra e ekonomisë botërore, World Trade Center. Ceremonia përkujtimore përfundoi me një minutë heshtje në nder të 2753 viktimave të cilët humbën jetën vetëm në sulmet në qytetin e Nju Jorkut.
E gjitha ceremonia në nderim të mijëra viktimave zgjati rreth 4 orë e gjysmë. Ground Zero ka qenë në orët e fundit qendra e globit ku me mijëra kanale dhe qendra të informacionit ka qenë stacionuar për të raportuar ceremoninë përkujtimore në nderim të qindra viktimave të ngjarjeve tragjike të 11 shtatorit të vitit 2001.
