HYRJE Shkence Musk: Inteligjenca artificiale do te nise Luften e Trete Boterore

Musk: Inteligjenca artificiale do te nise Luften e Trete Boterore

0
61

Elon Musk paralajmëroi sërish se inteligjenca artificiale mund të jetë kërcënimi më i madh për ekzistencën e njerëzimit, këtë herë duke shtuar se mund të nisë Luftën e Tretë Botërore.

Kjo mundësi duket se rëndon mjaft në mendjen e Musk, pasi shefi i kompanive “Space X”, “Tesla” dhe “Boring” e bëri paralajmërimin e tij në “Twitter” në orën 2:33 të mëngjesit.

Duket se frika e Musk u shtua pas një deklarate të Vladimir Putinit se, inteligjenca artificiale është e ardhmja jo vetëm për Rusinë, por për të gjithë njerëzimin. Presidenti rus deklaroi se kushdo që bëhet udhëheqës në këtë fushë do të sundojë botën.

Musk, në komentin e tij tha se nuk është i shqetësuar se luftën do ta nisë një udhëheqës njerëzor, por një inteligjencë artificiale tepër e kujdesshme, që mund të vendosë se “të sulmosh i pari është rruga më e mirë drejt fitores”.

Sipas Musk, nëse hapet “kutia e Pandorës” përsa i takon inteligjencës artificiale, do të jetë e zorshme të mbyllet. Miliarderi inovator është prej kohësh një prej zërave më të fuqishëm kundër inteligjencës artificiale dhe së fundmi ishte një prej 100 personave që firmosën një peticion, ku i bëhet thirrje OKB-së të ndalojë armët vdekjeprurëse autonome.

Të tjerë që mbështesin idetë e Musk për rrezikun që sjell inteligjenca artificiale janë emra të njohur në botën e teknologjisë dhe shkencës, si Bill Gates apo Stephen Hawkins.

Përgjigju

Please enter your comment!
Please enter your name here