Home Shendetesi Ja si ta ruajmë kujtesën

Ja si ta ruajmë kujtesën

749
0

truriPas kalimit të moshës 50-60-vjeçare shfaqen edhe problemet e para me kujtesën dhe me lidhjen mes imazheve e mendimeve.

Këto probleme mendore janë në një masë edhe të trashëguara, por mund të ndikojnë edhe një sërë faktorësh. Për të shmangur humbjen e kujtesës dhe për të pasur mendje të freskët studiuesit sjellin disa këshilla shumë praktike që duhen zbatuar.

1. Frekuentoni palestrën
Më tepër se 60 për qind e njerëzve nuk i praktikojnë ushtrimet dhe aktivitetin fizik. Ky veprim është i dëmshëm, sepse mungesa e ushtrimit fizik do të shfaqej me pasoja negative për shëndetin. Probleme do të shfaqeshin jo vetëm në mirëqenien fizike, por edhe atë mendore. Palestra dhe aktiviteti fizik bëjnë që organizmi të nxitë disa neurone të reja, të cilat ndikojnë në pjesë të veçanta të trurit dhe janë përgjegjëse për kujtesën. Ushtrimet e përditshme fizike ndihmojnë në qarkullimin e gjakut, i cili shkon edhe në tru, duke ndikuar në përmirësimin e kujtesës.

2. Përdorni kompjuterin
Mjetet programuese dhe kompjuterat tashmë kanë hyrë në përdorim të gjerë thuajse nga të gjitha grupmoshat. Nga studimet e bëra ka rezultuar se përdorimi i kompjuterit ka ndihmuar shumë persona që kanë kaluar dëmtime të trurit apo probleme me kujtesën. Lojërat e ndryshme si Sudoku, ose lojëra që kërkojnë gjetjen e ngjashmërive dhe ndryshimeve mes dy figurave, ndihmojnë të mbani të freskët mendjen dhe kujtesën tuaj.

3. Faktorët ushqimorë
Edhe ushqimi dhe dieta e përditshme luan një rol të pazëvendësueshëm në mirëqenien mendore. Studimet kanë treguar se Omega-3, janë përbërës të yndyrshëm, të cilët gjenden me bollëk tek farat e lirit, arrat, lajthitë, salmoni, soja dhe shumë ushqime të tjera. Këto njihen jo vetëm si stimulues të gjendjes së humorit, por edhe ndihmojnë në përqendrim gjatë punës dhe aktivitete të ndryshme mendore. Hani mirë dhe atë që duhet. Ka shumë barishte që ndihmojnë në përmirësimin e memories, por asnjë prej tyre nuk ka treguar efektivitet në testet klinike. Por një dietë e shëndetshme, kontribuon në tru, pasi përmban antioksidantë. Kështu brokoli, boronicat, spinaqi, ndihmojnë në përmirësimin e funksioneve të trurit. Ushqehuni me Thiamine, Vitamine E, Niacine dhe Vitamine B-6. Është vërtetuar gjithashtu se ata persona që hanë 5- 6 herë në ditë kanë memorie më të mirë se ata që hanë vetëm 3 vakte. Kjo gjë limiton sheqerin e tepërt, i cili ndikon negativisht në tru.

4. Konsumoni acid folik
Kërkimet e publikuara vitin e kaluar në ‘British Medical Journal’, treguan se personat e rritur të moshës nga 50 deri në 70 vjeç, të cilët konsumojnë rreth 800 mg acid folik në ditë për rreth tre vjet, kanë një kujtesë më të freskët dhe nuk rrezikojnë të humbin kujtesën.

5. Konsumoni alkoolin në masën e duhur
Shpeshherë ndjeni që truri juaj është i lodhur, madje një sërë mendimesh sillen turbull në kokën tuaj, atëherë nuk është keq që të pini një gotë pijë alkoolike në masën e duhur. Pas studimeve të bëra me një grup personash mbi moshën 50 vjeç me probleme me kujtesën dhe aftësitë njohëse, rezultoi se ata persona të cilët konsumonin një gotë verë në ditë kanë një progres më të ngadaltë të humbjes së kujtesës në krahasim me ata persona që ishin antialkool. Megjithatë është e këshillueshme të mos kalohet masa në konsumimin e alkoolit, sepse përdorimi i tepërt i tij kthehet në faktor rreziku për shëndetin.

6. Relaksohuni
Të gjithë ata persona që gjenden nën ndikimin e theksuar të stresit kanë nevojë për relaks, për të larguar hormonet të cilat shkaktojnë këtë gjendje të padëshiruar. Relaksi është një mënyrë e suksesshme për të menaxhuar dhe shmangur stresin.

7. Vëzhgoni më shumë
Shpesh njerëzit harrojnë gjërat jo për shkak të memories së keqe, por sepse nuk vëzhgojnë gjërat aq sa duhet. Situata më e thjeshtë është kur ne takojmë njerëz të rinj. Ne e kemi të vështirë të kujtojmë emrat e tyre, pasi nuk përqendrohemi. Është e qartë që sikur të bëni një përpjekje sado të vogël për të kujtuar këto gjëra, do ti mbani mend për shumë kohë. Një mënyrë për të mbajtur mend pamjet është të shikoni mbi të për disa sekonda dhe pastaj të mbyllni sytë dhe të mundoheni të krijoni atë pamje në mendjen tuaj. Jepini vetes kohë për të mbajtur diçka në mendje. Memoria është shumë delikate në kohë të shkurtër, dhe hutimi mund të bëjë që ju të harroni shumë shpejt një gjë, po aq sa dhe një numër telefoni. Çelësi për të shmangur humbjen e një pamje është fokusimi për disa sekonda në atë pamje, duke harruar çdo gjë tjetër.

8. Krijoni pamje të gjalla në kujtesë
Një informacion krijohet më lehtë në mendje nëse shikohet me sy. Kështu nëse doni që një fëmijë të lexojë një libër, mos e detyroni atë ta bëjë këtë, pasi do ta harrojë shumë shpejt atë çka lexoi. Përpiquni të bëni diçka më argëtuese, si për shembull libri që ndjek fëmijën, ose fëmija duke ngrënë një libër. Kjo do të bëjë që fëmija të ulet me dëshirë ta lexojë atë libër.

9. Përsëritni gjërat që doni të mësoni
Sa më shumë të dëgjoni, ta shikoni, ose mendoni diçka aq më mirë do ta kujtoni atë. Nëse doni të mbani mënd diçka përsëriteni me zë të ulët ose të lartë, dhe mendoni për këtë.

10. Organizoni jetën tuaj
Mbajini gjërat në të njëjtin vend gjithmonë. Ruani numrat e telefonit dhe mos u mundoni ti mbani mënd. Shkruani datat e takimeve ose gjëra të tjera në një axhendë. Ideja është që truri të mos mundohet të mbajë mënd gjëra rutinë, të cilat nuk kanë rëndësi, por të fiksojë gjëra më të rëndësishme se aq.

11. Meditoni
Kërkimet e fundit kanë zbuluar se njerëzit të cilët meditojnë kanë memorie më të mirë. Mjekët argumentojnë se meditimi rrit qarkullimin e gjakut në korteksin qendror të trurit. Kjo rrit përqendrimin, dhe memorien.

12. Flini mirë
Gjumi ndikon në aftësinë e trurit për të thirrur informacionin e fundit që ka mësuar. Duke fjetur mire, minimumi 7 orë në natë ndihmon në përmirësimin e memories afatshkurtër dhe afatgjatë.

LEAVE A REPLY

Please enter your comment!
Please enter your name here