Imagjinoni të klikoni mbi një aplikacion që nuk e keni ende në celular dhe ta përdorni njësoj sikur ta kishit shkarkuar.
Në konferencën e Google I/O. që tashmë është kthyer në traditë të përvitshme, u paraqitën shumë risi teknologjike me të cilat Google sfidon disa rivalë njëherësh. Një prej tyre ishte e tërheqëse sidomos për ata që nuk kanë shumë qejf të shkarkojnë aplikacione në celular: “Android Instant App”.
Ky sistem mundëson që telefoni të shkarkojë në çast vetëm atë pjesë të aplikacionit që i nevojitet pajisjes për momentin, pa qenë nevoja ta vendosësh përgjithnjë në celular.
Në konferencën I/O, Google paraqiti dhe shumë aplikacione të tjera, disa të përqendruara në fushën e dërgimit të mesazheve të çastit dhe komunikimit me video, për të treguar që nuk kanë ndërmend të tërhiqen nga rrjetet shoqërore.
