Një 16-vjeçare nga qyteti i Beratit ka mbetur e plagosur në një aksident të çuditshëm.
Ndërsa po priste autobusin në një stacion të qytetit, 16-vjeçarja me inicialet B.D është godiur nga një furgon, por në timon nuk kishte asnjë njeri.
Sipas policisë mjeti ishte parkuar disa metra më lartë dhe drejtuesi nuk kishte ngritur frenat e dorës. Për shkak të pjerrësisë së rrugës, automjeti ka marrë shpejtësi dhe ka goditur 16-vjeçaren.
Fatmirësisht ajo ka marrë disa dëmtime të lehta dhe është jashtë rrezikut për jetën. Ndërkohë policia ka shoqëruar pronarin e automjetit.
