Home Aktualitet BE raport për drogën: Shqipëria vend i rëndësishëm burimi i kanabisit

BE raport për drogën: Shqipëria vend i rëndësishëm burimi i kanabisit

609
0

Një raport i Bashkimit Europian ka dalë në përfundimin se shtetasit e bllokut shpenzojnë më shumë se 24 miliardë euro në vit për të blerë drogë dhe njëkohësisht paralajmëron se qelizat terroriste mund të financojnë disa nga këto aktivitete të jashtëligjshme.

Tregun me te madh te shitjeve e ka kanabis që gjeneron 10.6 miliardë euro të ardhura, e ndjekur nga heroina me 7.7 miliardë euro.

Në raportin e Komisionerit për Çështjet e Brendshme në Bashkimin Europian, Shqipëria paraqitet si një vend i rëndësishëm burimi për bimën e kanabisit që trafikohet në kontinent.

Po ashtu në dokumentin e përpiluar nga Brukseli, shqiptarët së bashku me turqit dhe pakistanezët, veçohen si lojëtarët kyç të trafikimit të heroinës në Europë.

“Shpesh ata bashkëpunojnë, mirëpo ka edhe raste -shkruan raporti- që prishja e pazareve të drogës përfundon me episode fatkeqe si të shtënat me armë zjarri”. Po ashtu këto grupe janë të përfshirë jo vetëm në trafikimin e drogës, por atë të armëve, mallrave të tjerë të jashtëligjshme apo edhe qenieve njerëzore.

Po ashtu, në dokument përmendet Holanda, Çekia dhe Spanja si pjesë të rëndësishme të tregut të drogës. Dokumenti është një udhërrëfyes për Europolin dhe vendet e Unionit.

Shefi i Europolit, Rob Wainwright, tha se edhe pse nuk ka prova të forta për ndonjë lidhje të drejtpërdrejtë midis drogës dhe sulmeve të dhunshme, ai tha se ky treg ndërthuret me forma të tjera të krimit, sikurse është dhe terrorizmi, ndaj paraqet një kërcënim të madh për bllokun 28-vendesh.

LEAVE A REPLY

Please enter your comment!
Please enter your name here